Makaraan ang anim na buwang pagpapaliban, tuloy na sa wakas ang pagharurot sa papasok na buwan ng 5150 Traithlon CamSur na sasabakan ng mga beterano at sumisikat na karerista, kabilang ang mg age-grouper na atat itampok ang mga kalibre sa iba’t ibang disiplina sa magandang tanawin ng Camarines Sur.
Binuksan na sa kasalukuyan ang registration sa blue-ribbon event na itinakda sa Feb. 11. Sa mga detalye pa, bisitahin lang ang ironman.com/5150-camsur-register.
Dagdag kasabikan sa premier event na may mapaghamong Olympic distance na 1.5km swim, 40km bike, 10km run sa championship course, ang Go for Gold Sunrise Sprint. Ang short distance triathlon series na may may 750m open-water swim, 20km bike, 5km run, na sub-category ng 5150 triathlon event races.
Nagbibigay ito sa mga kalahok ng karanasang buhay at mabait na karera, nagpapanatili sa triathlon brand ng Sunrise race na may kaunting hamon kaysa sa longer-distance counterparts.
Orihinal na nakatakda noon pang Aug. 6, 2023, iniurong ang Triathlon CamSur dahil sa pagloloko ng mga aktibidad sa Bulkang Mayon.
“The extended anticipation has only fueled the participants’ eagerness and hunger for recognition and success in the first of a series of triathlon races we have scheduled this year,” lahad nitong isang araw ni The IRONMAN Group general manager at regional director Princess Galura, ang organizer ng event.
Lugar ng unang IRONMAN 70.3 race noong 2009, nakita ang pag-usbong ng serye ng triathlon sa Camarines Sur sa maraming taon kung saan nabighani ang mga elite athlete sa maraming panig ng mundo na nagbigay sa mga lokal na talento ng pagkakakataon sa mga pangunahing triathlon race, kabilang ang World Championships.
Susuportahan ang nalalapit na 5150 CamSur ng The IRONMAN, Epic Series Global MTB, Haute Route, Rock ‘n’ Roll Running Series, UTMB World Series, Fulgaz, Go For Gold, Sante, 2Go at Camarines Sur, na may pangakong maghatid ng mas malawak at enggrandeng karera sa ika-15-edisyon sa nagbabagong panahon. (Abante TONITE Sports)