Mga laro sa Linggo
(Filoil EcoOil Arena)
8 am – SSC-R vs UPHSD
10 am – JRU vs EAC
12 pm – SBU vs MU
2:30 pm -CSJL vs CSB
4:30 pm – LPU vs AU
Sa likod ng 27 points nang pumapalag sa MVP race na si Amiel Acido, pinagpatuloy ng University of Perprtual Help System Dalta ang ratsada nang timbugin ang Colegio De San Juan De Letran, 94-88, upang solohin ang tuktok ng NCAA Season 99 junior basketball tournament eliminations Biyernes sa FilOil EcoOil Arena.
Naging sangkalan ng Junior Altas ang nakakatulig na bomba sa second quarter upang lumayo saka binuhusan ng malamig na tubig ang rally ng Squires sa final half at hablutin ang liderato sa 7-1 (win-loss) record. Salya ang biktima sa 6-2.
Kinamada ni Acido ang 17 sa nasabing iniskor niya sa third period upang butatain ang pagbabanta ng CSJL at humakbang sa isang panalo sa napipintong pagsakop sa top two, kundi man ang deretsong itaas na may kalakip na bentaheng twice-to-beat sa Final Four.
Nasa semifinals na ang Las Piñas-based squad, mga basketbolista ng Intramuros at Mapua University (6-1) makaraang masilat ng Jose Rizal University ang San Beda University, 82-79.
Sampa ang Light Bombers sa 3-5 samantalang laglag sa 4-4 ang Red Cubs, pero may maliit pang tsansa para makahabol sa next round.
Sa isa pang laro, wagi ang Emilio Aguinaldo College (3-5) kontra Arellano University (1-7), 92-87.
Mga iskor
Unang laro
JRU 82- Marin 18, Rivera 14, Enal 13, Pineda 11, Abequibel 8, Natividad 6, Guarino 5, Capistrano 3, Rico 2, Taparan 2, Ferrer 0, Pinzon 0, Castillo 0.
SBU 79 – Lorenzo 20, Canete 19, Ugaddan 10, Batong Bakal 9, Viloces 7, Dollente 5, Sollano 5, Mercado 2, Mondigo 2, Wagan 0, Medroso 0, San Juan 0, Feliciano 0.
Quarters: 23-13; 42-36; 59-57; 82-79.
Pangalawang laro
UPHSD 94 – Acido 27, Gojo Cruz 17, Pagulayan 14, Darp 11, Diaz 6, Baldoria 5, Borja 4, Ayon 3, Valencia 3, Callangan 2, Roluna 2, Cristino 0.
CSJL 88 – Manalili 21, Baliling 21, Navarro 19, Padillas 15, Diamante 6, Cruz 2, Silorio 2, De Leon 2, Hugo 0, Villanueva 0, Gazzingan 0, Reyes 0, Golez 0.
Quarters: 19-22; 49-37; 78-64; 94-88.
Pangatlong laro
EAC 92 – Castillo 30, Asay 18, Jawali 9, Coronel 9, Mariquit 8, Campana 5, Bautista 4, Razo 4, Luna 2, Lumbo 2, Iraham 1, Tecson 0, Canonigo 0.
AU 87 – Reguera 25, Espinosa 16, Yu 12, Franco 9, Javier 6, Mendoza 6, Montesclaros 4, Distrito 4, Austria 3, Pascual 2, Pangilinan 0, Vergara 0, Llantos 0, Novillo 0, Tanudtanod 0.
Quarters: 24-15; 46-43; 68-68; 92-87. (Abante TONITE Sports)