Hindi solo nina Kim Chiu at Bela Padilla ang puso ni Angelica Panganiban sa usapin ng ‘friendship.’
May kahati ang dalawa at mas malaki pa pala ang porsyentong inilaan ng huli para sa isa pa niyang kaibigan na si Glaiza de Castro.
Nakasaad sa birthday message niya kay Glaiza ang matibay na resibo nang pagiging mas solid ng pagkakaibigan nila.
Sey ni Angelica sa kanyang mensahe, “Si Glaiza, pinakamasarap maging kaibigan, pinaka-game sa puyatan, kahit anong oras, pupuntahan ka niya. Aangkas siya sa motor ng masahista makarating lang sayo. Si Glaiza ang pinakamasarap kasama sa sound trip, bibiritin niya mga kanta ni Dua Lipa ng ganun ganun na lang.
“Si Glaiza pinakamasarap kasama sa byahe, mawawala maleta niya pero chill lang siya, bibili lang kami ng panty sa talipapa ng Bhutan, lalabhan at isasampay namin mga bagong panty niya. Si Glaiza ang pinaka-rockstar na ninang ni bean, bubuhatin niya si bean para makakain ako.
“Si Glaiza ang pinakamatagal ko ng kaibigan. Hanep na, solid pa. Hippie birthday sayo amigah! Kahit may bata na ko ngayon, ikaw pa rin ang number 1 bataah sa puso ko. Fly high baard!”
Ikinabit ni Angelica ang ilang mga throwback photo ng mga ganap at tumutukoy sa mga katangian ni Glaiza bilang super bestie.
Pero siyempre, iba rin naman ang nakatanim na friendship kina Bela at Kim kay Angelica.
Sabi nga nang huli sa kanyang wedding appreciation post, parang ‘ikinasal’ na rin siya sa dalawa. (Rey Pumaloy)