Trending love team sina Ashley Sarmiento at Marco Masa mula nang magtambal sila sa ‘Black Rider’. Heto’t magtutuloy-tuloy ang team-up nila sa bagong show nila na “MAKA.”
Gaya ni Marco, produkto ng ‘Goin’ Bulilit’ si Ashley.Hiningan siya ng maipapayo niya sa mga co-star niya as a rising artist.
“Nakaka-pressure,” nahihiyang sagot niya. “But first of all po, I still have a lot to learn po in-terms of acting and there’s a lot to improve.
“I think, everyone here has a lot to offer at sa working experience ko po, may natutunan din ako sa kanila.”
Sa kanila ni Marco na marami ang kinikilig at sumusuporta, hindi nga kaya maging totohanan ang love team nila?
“Naku, Marco is an ideal guy. Marami pong nangangarap kay Marco. I’m privileged po na makikala siya until now and I’m also privilege to be a part of this team and to be his close friend.
“Pero siguro po, si Marco na po ang sasagot ng tanong,” natawang sabi ni Ashley.
Sey naman ni Marco, masaya raw siya sa tandem nila ni Ashley. Pero lahad di niya, “As of now, hindi ko po alam kung saan kami dadalhin but we’re happy po sa career namin, sa friendship namin.
“So yun po, hindi ko pa rin po masabi. Malalaman na lang po natin.” (Rose Garcia)