Karapatan ng bawat manggagawang Pilipino na magkaroon ng sapat na sahod para makapamuhay ng maayos. Ngunit para sa karamihan, ang karapatang ito na ginarantiya mismo ng atingSaligang Batas, ay hindi natatamasa. Sa isang survey na ginawa ng Pulse Asia noong nakaraang buwan, nangunguna ang usapin sa inflation na nais ng mga Pilipino na maaksyunan agad ng gobyerno na may 72%; pangalawa ang pagtaas ng sahod ng mga manggagawa na may 40%; at pangatlo ang paglikha ng mga trabaho na may 28%. Pinapakita rito ang matinding kahirapan at ang kakulangan sa sahod ng ating mga manggagawa, lalo na ang mga minimum wagers, para matustusan ang pang-araw-araw na pangangailangan.Karamihan sa mga manggagawang Pilipino ay nananatiling minimum wagers o yung mga kumikita nang pinakamababang sweldo na maaring ibayad ng isang employer.
Ang sistema sa minimum wage sa ating bansa ay hindi nagkakapare-pareho. Kagyat na mas mataas ang minimum wage rate ng mga mauunlad na mga rehiyon na may maraming siyudad at munisipalidad, kumpara sa mga kakaonti o talagang wala.
Gayunpaman, ito ay lumikha ng hindi pagkakapantay-pantay sa wage rate sa mga lalawigan, kaya napipilitan ang karamihan na lumuwas at makipagsapalaran sa National Capital Region (NCR). Dagdag pa rito, habang ang presyo ng mga bilihin at serbisyo sa buong bansa ay dahan-dahang tumataas gawa ng inflation, nananatiling nakalugmok pa rin ang pasahod sa ating mga minimum wagers. Madami sa mga manggagawa ay ang hindi na kinakaya pang makasabay sa hirap ng buhay at tuluyang bumabagsak sa poverty threshold.
Para tugunan ang isyu na ito ay inilunsad ng Department of Social Welfare and Development (DSWD) ang Ayuda sa Kapos ang Kita Program (AKAP) para tulungan ang mga minimum wage workers na nabibilang sa “near-poor”. Layunin ng programang ito na tuluyang pigilan na bumalik pa sa poverty threshold ang ating mga middle-class workers. Itorin ay nagbibigay ng cash assistance sa mga middle-class workers na kumikita lang ng P23,000.00 kada buwan katulad ng mga fast food workers, waiters, dishwashers, at security guards. Ito ay isang mahalagang programa na nagpapahalaga sa pagsisikap ng ating mga manggagawa bilang haligi ng isang mausbong na ekonomiya at tuluyang wakasan ang isyu sa kahirapan.
Para sa pagsusulong ng kapakanan ng mga manggagawang Pilipino, kayo po ang idol ko! #JoloCares