Sa mga nakalipas na panahon, tila panabayaan na ang industriya sapatos, hindi lamang sa lungsod ng Marikina, kundi sa buong bansa.
Kasi nga dumagsa ang mga imported na sapatos lalo na yung mga gawang China na hamak na mahihinang klase hindi tulad ng mga gawa dito na talaga namang world-class. Mura nga ang mga China-made na sapatos pero matibay o hindi de-kalidad tulad na gawa dito sa atin.
Ang mga sapatos ng Marikina ay dekalidad sa buong mundo at kilala sa kanilang kasanayan, kalidad, at kaibahan. Mula sa mga eleganteng disenyo ng leather hanggang sa matibay na pang-araw-araw na sapatos, ang mga sapatos ng Marikina ay maaaring makipagsabayan sa pandaigdigang antas.
Gayunpaman, hinaharap ng industriya ang mga matitinding hamon na humahadlang sa kakayahan nitong makipagsabayan nang epektibo sa pandaigdigang merkado.
Buti na lang at nagmalasakit si Senador Aquilino “Koko” Pimentel III at ang kanyang asawa, ang negosyantenteng si Kat De Guzman-Pimentel na nangakong susuportahan ang Philippine Footwear Federation Inc. (PFFI) para sa kanilang suporta sa pagpapalakas muli ng industriya ng sapatos, lalo na sa Lungsod ng Marikina, na kilala bilang kapital ng sapatos ng bansa.
Nitong nagdaang linggo, nakipagpulong ang mag-asawang Pimentel sa PFFI at inalam ang kalagayan ang industriya ng sapatos sa bansa, lalo na Marikina, ang itinuturing na “Shoe Capital of the Philippines”.
“Puno kami ng pasasalamat sa pagkakahanap namin ng mga indibidwal na may dedikasyon sa pagsusulong ng aming layunin. Ang mga sapatos ng Marikina ay dekalidad ngunit kailangan nila ng dagdag na suporta upang makipagsabayan sa pandaigdigang antas,” ayon sa grupo.
Si Kat Pimentel, apo ng yumaong Osmundo “Munding” De Guzman, dating alkalde ng Marikina, siya mismo ay nagpahayag nagpahayag ng kanyang suporta sa industriya ng sapatos, lalo na sa pagtataguyod ng mga interes ng mga maliit na tagagawa ng sapatos sa Marikina.
Sabi pa ng grupo ang koneksiyon ni Kat Pimentel sa angkan ng mga magsasapatos sa Marikina bilang tubong Marikina at ang kanyang dedikasyon ay mahalaga sa hangarin na muling mapalakas ang industriya ng pagsasapatos sa bansa.
Si Osmundo “Munding” De Guzman, na nanungkulan bilang alkalde ng Marikina ang nagtatag ng Marikina Shoe Trade Commission (MSTC). Ang MSTC ay naglalayong suportahan at subsidyunan ang industriya ng sapatos, na nagtutulak ng mas mataas na produksyon at pagpapabuti sa kapakanan ng mga umaasa dito, na sa gayon ay makapagdagdag ng kanilang kita.
Sa pakikipagtulungan ng PFFI sa mag-asawang Pimentel, asahan nating muling lalakas at babangon ang industriya ng sapatos sa Pilipinas na minsan nang napabayaan sa mga nagdaang panahon.