Nagdomina si Cadee Jan Dagoon sa kapuri-puring pinong laro, isinukbit ang tagumpay at segunda sa singles upang saluhan sa MVP honors si Marcus Go sa pagwawakas nitong linggo ng Mayor Rolen Paulino Jr. National Juniors Tennis Championships sa Olongapo Tennis Club.
Binalandra ni Dagoon ang pambihirang kasanayan at determinasyon, pinadapa si Maristella Torrecampo, 6-2, 4-6, 11-9, sa semis at sinilat si top seed Ave Maria Policarpio, 6-3, 6-2, para sungkitin ang girls’14-and-under crown.
Napasabak nang todo ang rising local star sa 16-&-U finals kung saan siya nagretiro kontra Jayden Reece Ballado ng Nueva Ecija sa 5-1 resulta sa Group I tournament na presentado ng Dunlop.
Patagumpay, ginimbal ni Ballado si No. 1 Sandra Bautista sa semis match, 7-5, 6-4.
Si Go sa kabilang dako, hinablot ang panalo sa 12-and-U category, niladlad ang galing sa pagdispatsa kay Jairus Peralta, 6-2, 6-2. Pero kinapos din ang top Quezon City bet sa 14-&-U title match kontra top seed Mikael Honrado ng Makati City, na wagi sa 7-5, 7-5.
Ang kaganapan, bahagi ng nationwide circuit na binuo ni Palawan Pawnshop president/CEO Bobby Castro, ang nagmartka sa balik ng PPS-PEPP’s calendar sa pamamagitan ni Rolen Paulino Sr., ang dating alkalde ng lungsod at SBMA chairman, ngayo’y nagsisilbi sa BCDA board.
Ang tagumpay sa resulta na pinangunahan ni Paulino Sr. katambal ang lokal na pamahalaan, kabilang si
Mayor Rolen Paulino Jr., ang bumuo sa pangako nila sa patuloy na pagsuporta sa PPS grassroots program. Ang kasunduan ay maglilibre sa lahat ng mga batang kalahok sa isa pang torneo sa May na misyong iangat ang sport at makadiskumre ng mga bagong talento.
Magdaraos din ang Olongapo ng juniors at legends tournament sa September, at tatapusin ang taon sa National Men’s Open sa December.
Ang iba mga nanalo ay sina Olongapo’s Darwin Cosca at QC’s Chloe Mercado, Samuel Davila ng Cainta, Rizal, Torrecampo at Yuan Torrente.
Tinumba ni Cosca si doubles partner Ariel Cabaral, 6-3, 6-4, samantalang binambo ni Mercado si Shiloh Cruz, 6-3, 6-2, sa 18-&-U class; pinaplakda ni Davil si Lucas Go, 6-4, 6-1, sa boys’ 16-&-U finals; nilatigo ni Torrecampo si Ella Paglalunan, 6-0, 6-2, sa girls’ 12-and-U finals; at tinorete ni Torrente si Enzo Niere, 4-0, 4-0, sa 10-and-U unisex title.
Sa doubles play, pinakita nina Cosca at Cabaral ang teamwork para idispatsa sina Go at Davila, 8-4, habang binayo nina Ballado/Mercado sa parehas na iskor sina Althea Liwag/Cruz upang magsalo sa 18-&-U doubles titles.
Sinorpresa ng mag-utol na Gil at Pete Niera sina top seed Anthony Cosca/Troan Vytiaco, 8-5, habang lusot sina Dagoon/Alexa Cruspero kina Athena Liwag/Auyl Gonzaga, 8-7(7), sa 14-and-U finals.
Hinagip nina Torrente at Joaquin Dacyon ang 10-and-U doubles trophy sa 8-5 victory kina Jacob Dizon/Enzo Niere.
(Abante TONITE Sports)