Patok ang Cignal kontra Farm Fresh, pero dehins basta bibigay ang Foxies lalo na ang mga inaasahan dito, isa si Caitlyn Viray pagsagupa sa Cignal ngayon (Huwebes) sa 8th Premier Volleyball League 2024 3rd All-Filipino Conference eliminations sa Philsports Arena sa Pasig.
Umiskor si Viray ng 11 points sa straight-set loss ng kampo noong March 23 sa katabla sa tuktok na PLDT Home Fibr (6-1). At sa pampito sa katayuan sa 2-4, dapat nang bumomba ng Foxies simula sa alas-4:00 ng hapon kontra sa pumapang-anim na HD Spikers (4-2).
Pero gaya nila, kailangan na ring umakyat ng Cignal sa pinag-aagawang apat na silya sa semifinals sa paliga ng Sports Vision Management Gropup, Inc. na mga ineeere ng PVL.ph website, RPTV, One Sports, One Sports + at Pilipinas Live app.
Isang dark horse sa torneo, aayuda kay Viray sina Trisha Tubu, Chinnie Arroyo, Rizza Cruz at Alyssa Bertolano na may suporta mula kina Kate Santiago, Aprylle Tagsip at skipper Louie Romero.
Dahil naman sa limang set na pagkatalo sa nakaraang linggo sa Creamline sa laban na kontrolado nila sa simula, misyon ni HD Spikers coach Cesael ‘Shaq’ Delos Santos na pukpukin ang mga sasandalan niyang sina Ces Molina, Jovelyn Gonzaga, Roselyn Doria at Riri Meneses, kasama si Vanie Gandler, para mahakbaangan ang medyo mas batang Farm Fresh team. (Lito Oredo)
![](https://tonite.abante.com.ph/wp-content/uploads/2024/04/caitlyn1-1024x683.png)