Bumawi sa magkasunod na mapaklang laro sa Davao si Clyde Mondilla upang magtagumpay sa ICTSI (International Container Terminal Services, Inc.) Caliraya Springs Championship Biyernes ng hapon, ang inaasahang dikdikang laban kay Keanu Jahns naging kumbinsidong tatlong palong panalo kay Angelo Que sa 70.
Sablay sa cut sa at nakibuhol sa ika-25 lang sa unang dalawa sa may 10 bahagi ng 16th Philippine Golf Tour 2024 (Apo Golf Classic at Ranchos Palos Verdes Championship), kinontrol ni Mondila ang simula sa 35 sa frontside, tinaas ang overnight one-stroke lead sa tatlo.
Ipinahayag ng dating Philippine Open champion ang pagkabuhay niya sa adjustments sa putting at mahalagang 67 sa third round na nagbigay sa kanya ng 10-under 287 na may kalakip na P450,000 cash prize.
“I’m so thankful and grateful to have won again, “ ani Mondilla, ukol sa magkasunod na pagwawagi noong isang taon sa Del Monte at Forest Hills.
May eagle pa-66 si Que para mabiyayaan ng P295,000 samantalang tersera si Jahns katabala si Tae Soo Kim sa 283 para sa tig-P151,250. (Abante TONITE Sports)