Inihayag ng Commission on Elections (Comelec) na magkakaroon na sila ng pirmahan sa kontrata ng isang South Korean firm para sa Full Automation System with Transparency Audit/Count (FASTrAC) project sa darating na Lunes, Marso 11.
Nagkakahalaga ng P18 bilyon ang kontrata ng Comelec sa Miru Systems Co. Ltd. para sa automated election system sa 2025.
Batay sa Comelec, ang kontrata ay joint venture ng Miru Systems, Integrated Computer Systems, St. Timothy Construction Corporation, at Centerpoint Solutions Technologies Inc.
Noong Pebrero 22, 2024 idineklara ng Comelec En Banc ang joint venture ng Miru sa P18 bilyong FASTrAC project para sa 2025 midterm elections.
Base sa anunsyo ng Comelec nitong Sabado, Marso 9, dadalo sa pagpirma ng kontrata sina Chairman George Garcia at iba pang opisyal ng poll body kabilang sina Commissioners Socorro Inting, Marlon Casquejo, Aimee Ferolino, Rey Bulay, Ernesto Ferdinand Maceda Jr., at Nestor Celis.