Sa pagladlad nang nakakasilaw na kasanayan at lakas, naging pinakamahusay na nagtanghal sina Mariska Wildenberg ng Netherlands at Turkey’s Ilhan Aykurt sa final leg ng 9th ICTSI Philippine Kiteboarding Tour nitong linggo sa Aqua Resort ng Bulabog Beach sa Boracay.
Binighani nina Wildenberg, sikat na qualifier sa taong itong Worlds at Europeans, at Aykurt ang mga miron at hurado sa nakakabilib na tricks, spins at flips sa pagsungkit ng magkatambal sa top honors ng Freestyle event na tumapos sa pangsiyam na taon ng premier kiteboardfest sa iba’t ibang lugar sa bansa.
Tinampok sa kompetisyon ang iba’t ibang disiplina na nagpakita sa mga bagay at kaba na hatid ng kasabikan na dala ng kiteboarding . Sa tindi ng labanan sa board, binalandra ng mga kiteboard athlete ang pambihirang mga talento na nagtulak sa bagong taas sa sport.
Tinuloy ni Wildenberg ang galing sa alon sa pagdomina sa women’s Masters division, samantalang si Stefan Vance nagwagi sa men’s category. Nanalo rin ang tamabalan nila sa Foil Racing class.
Sa kabilang banda, niladlad nina local talent Dilbert Bayog at Triina Trei ng Estonia, ang galing sa ere para hablutin ang Hangtime category, nakakapirmi sa kalawakan sa pambihirang tagal. Nanaig si Bayog sa impresibong 6.44 seconds, samantalang si Trei ang nagsuot sa ladies’ crown sa pagtagal sa kalawakan ng 5.5 secs.
Sumabak rin ang mga pambatong manlalaro ng US, China, Europe at Middle East sa kaganapang suportado ng International Container Terminal Services, Inc. , Philippine Kiteboarding Association, at mga pinadrinuhan ng Malay Tourism Office, Hyde Kites and Wings, ICT Cloverleaf Trading, The Lazy Dog Bed and Breakfast, Lemoni Café, Dinibeach Bar and Restaurant, Valhalla Bar and Restaurant, Gwapitos, One Island Food Trade, Locally, Epic Boracay, Happy Bongalow, Greenyard Kite Center, Mandala Spa, Tirta Spa;
Salaver Clinic, Nature Spring, Jandi Skincare, Solara Boracay, Villa Caemilla, Babos Boracay, Cathy’s Bistro, Back Beach Burgers, Giwajib Korean Restaurant, Currentstyl, Kape Drip, Spoonfull Confections, Bulabar, Indiga Tattoo, Double Dragon Apparel, Alcobendas-Garcia Dental Clinic, Able Designs, Boracay Water Sports Association and Diamond Water Sports at Panay Cable Television.
Sa Novice division, sina American Jessica Field at Jerry Cerrera ang mga nagkampeon sa Twin Tip Racing na may malaking potensiyal, habang si Warren Vance ang nagsukbit ng Grand Masters at si Doque Delos Santos ang nanguna sa Masters category.
“We are happy to host again the PKA on its ninth season and thankful for considering Boracay Island as its final venue,” pahayag ni Mayor Frolibar Bautista. “The municipality of Malay supports such events to promote Boracay Island as the country’s top sports tourism destination.”
Kuntento naman si PKA president Jay Ortiz sa tagumpay ng torneo at pinasalamatan ang mga nanalo, kalahok, sponsor at punong abalang bayan.
Sa mga yugto sa Siquijor Island, Cagbalete Island sa Mauban, Quezon, at Sta. Fe, Bantayan sa Cebu, at sa pinale Boracay, sinementuhan ng Tour ang pagiging pinakamatagal nang kiteboarding sa Asia sa patuloy na paglaki’t sikat ng sport.
(Abante TONITE Sports)