Naisahan ng Ateneo Blue Eaglets ang La Salle Greenhills Greenies 85-83 sa inaabangang matchup ng magkaribal sa 1st Next Generation Basketball League 2024 prelims nitong Linggo sa Tanduay Gym sa Manila.
Dikdikan hanggang fourth quarter, inagaw ng Greenies ang unahan 80-79 sa jumper ni Guillian Quines 1:20 pa sa orasan.
Sumagot ng apat na sunod na puntos si World Balance Player of the Game Ethan Kaw, split sa stripe si Chris Urbina para sa 84-80 cushion ng Ateneo. Nagbaon ng tres si Gian Gomez para muling idikit sa 84-83, pero naubusan na ang La Salle.
Tumapos si Kaw ng 14 points at umangat ang Eaglets sa 2-2 slate sa liga na mga hatid ng Uratex, Jollibee, Strong Group Athletics, Jetour, World Balance at official ball Molten.
Tinambakan naman ng UST Tiger Cubs ang MGC New Life Christian Academy 134-45 para i-reset ang dating tournament-high na 105 ng Lyceum at Perpetual. Namuno sa mga taga-Espana ang 23 points ni Ron Jay Catalan.
Sa unang laro, nilampaso ng FEU-Diliman ang Junior Pirates 90-64 sa
likod ng 15 points ni Mico Pascual. (Vladi Eduarte)