Sumakabilang-buhay na sa edad na 79 ang dating Intelligence Service of the Armed Forces of the Philippines (ISAFP) chief na si Victor Corpus.
Sa isang Facebook post nitong Huwebes, Abril 4, ipinabatid ng pamilya sa publiko ang pagpanaw ni Corpus.
“It is with great sorrow that we announce the untimely passing of our Uncle Victor Corpus… Rest In Peace Tito Vic. No more pain.. You are now in a better place with our Lord,” saad ng pamangkin na si Jennies Cruz.
Nagsilbing hepe ng ISAFP si Corpus sa administrasyon ni dating Pangulong Gloria Macapagal-Arroyo noong 2001.
Nagbitiw siya noong 2003 matapos ang tangkang kudeta laban sa administrasyong Arroyo.
Nakilala si Corpuz dahil sa kanyang pagtalikod sa Armed Forces of the Philippines (AFP) at sumanib sa New People’s Army noong panahon ng administrasyon ni dating Pangulong Ferdinand E. Marcos.
Bumalik siya sa AFP matapos ang 1986 People Power Revolution hanggang sa itinalaga bilang ISAFP chief. Miyembro siya ng Philippine Military Academy Class of 1967. (Issa Santiago)