Kumayod si Giannis Antetokounmpo ng 36 points at 16 rebounds upang giyahan ang Milwaukee Bucks sa pagkatay sa Atlanta Hawks, 122-113, sa 78th National Basketball Association 2023-24 regular season Sabado ng gabi.
May importanteng bakas na 21 markers si Khris Middleton sa pagtuldok ng Bucks sa kambal na olats sa State Farm Arena sa Georgia para kapitan ang No. 2 sa Eastern Conference sa 47-27 (win-loss) slate.
May 18 pts. pa si Patrick Beverly, na nag-start bilang relyebo ni Damian Lillard na lumiban sa laro dahil sa personal na rason.
Walang naipanalo ang Milwaukee sa limang larong wala si Lillard ngayong season. Wala pa ring kasiguruhan kung makakabalik na siya pag hinarap ng Bucks ang Washington Wizards sa Martes ng gabi.
![](https://tonite.abante.com.ph/wp-content/uploads/2024/03/giannis-819x1024.png)