GAGANAPIN ang unang sesyon ng Philippine Sportswriters Association (PSA) Forum para sa 2024 ngayong Martes (Feb. 6) sa pagbisita ng isang sport na umaasinta ng puwesto sa 33rd Summer Olympic Games 2024 sa Paris sa July.
Dadalo ang mga miyembro ng Philippine National Shooting Association (PNSA) sa Rizal Memorial Sports Complex conference hall sa Malate, Manila simula sa 10:30 a.m., sa sesyon na mga ihahatid ng San Miguel Corporation, Philippine Sports Commission, Philippine Olympic Committee, MILO, Philippine Amusement and Gaming Corporation (PAGCOR) at ArenaPlus, ang nangungunang sports entertainment gateway sa bansa.
Makakasama ni PNSA secretary-general Iryne Garcia ang tatlong shooter na mga nangungunang kandidato para sa mga slot sa Paris Games.
Hinihikayat ni PSA president Nelson Beltran, sports editor ng The Philippine Star, ang mga miyembro na dumalo sa unang Forum para sa taon makalipas ang matagumpay na pagtatanghal ng SMC-PSA Awards Night noong Jan. 29.
Ang lingguhang session ay may livestreamed sa PSA Facebook page fb.com/ PhilippineSportswritersAssociation at may delayed basis sa Radyo Pilipinas 2 FB page. (Lito Oredo)