Mga laro sa Huwebes
(PhilSports Arena, Pasig)
4 pm – Farm Fresh vs Petro Gazz
6 pm – Choco Mucho vs Cignal
STANDING
TEAM W L
Creamline 4 0
Cignal 3 0
Choco Mucho 3 0
PLDT 3 1
Petro Gazz 3 1
Chery Tiggo 2 2
Farm Fresh 2 2
Capital1 1 3
Akari 1 3
Nxled 1 3
Strong Group 0 3
Galeries Tower 0 4
Humarabas si Ivy Keith Lacsina ng 17 attack points rekado sa 13 excellent digs nang pagliyabin na sa wakas ang Nxled sa 8th Premier Volleyball League 2023 3rd All-Filipino Conference eliminations, pinabagsak ang Galeries Tower, 25-21, 25-18, 25-15.
“Sobrang saya kasi nakaka-boost sa morale ng team,” bulalas ng 24-anyos, opposite hitter mula sa Angeles, Pampanga pagkaraan ng salpukan sa PhilSports Arena sa Pasig Martes ng gabi. “After ng magkakasunod na talo, we hope na dito magsisimula para umangat ang laro namin.”
Sa pagtuldok sa tatlong semplang, angat triple-tie para sa eight spot ang Chameleons katabla ang may 1-3 records ding Capital1 at Akari. Salampak sa ika-12 o pinakailalim ang Highrisers sa 0-4.
Kahit ilang ulit dinaga, nag-rally ang Nxled sa opening set, tinabig ang pagbabalik ng karibal sa second frame at hinabol ang two-point down sa third stanza, huli sa 6-8 saka nag-technical timeout at kontrolin na ang sagupaan.
Buhat sa 11-10 lead, dumistansya ng anim ang winning team sa paliga ng Sports Vision Management Group, Inc. na mga napapanood sa PVL.ph website, Pilipinas Live app, RPTV, One Sports at One Sports+.
Pero dehins lang si Lacsina na niladlad ang pinakamaangas na laro sapol nang sumama sa Chameleons, ang nagbalandra ng determinasyon kundi pati sina Lycha Ebon na umayuda ng 15 markers, at Camille Victoria na umiskor ng 10.
Sobrang kapos ang pinagsamang 15 puntos nina Ysa Jimenes (8) at Joy Doromal (7) sa isang oras at 32 minutong hampasan.
(Armando Miguel Dumlao)