Humihilera si James Reid sa kategorya ni Heart Evangelista bilang influential sa Milan fashion scene. Base ito sa mga iniyabang niyang pagdalo sa ilang mga pamosong designer brand.
Sa kanyang mga ganap sa nasabing bansa, ipinangalandakan ni James ang presensya niya sa brand na Emporio Armani. Nakasama pa niya sa photo op ang mismong designer ng brand.
Meron din siyang picture with Hollywood actor Patrick Schwarzenegger, anak ng Hollywood action superstar na si Arnold.
Gaya ng isang famous international celebrity, pinutakte rin ng paparazzi at fashion media si James sa pagkuha ng larawan dito sa iba’t ibang anggulo.
Tipid naman ang mga ngiti ni James sa mga pa-pose niya na animo’y isa ring fashion model, bagama’t kitang-kita ang pagkabansot ng singer-recording artist sa mga katabi.
Bukod dito dumalo rin si James sa Fendi fashion show na mala-Heart E na rin ito sa pag-pose sa mga photographer bago pumasok sa venue ng show.
Proud si James sa pagdalo sa first fashion week niya sa Milan.
Syempre, damay rin naman si Issa Pressman na kinaray ni James sa Armani show at naka-ambon pa ng paparazzi shot.