Muli na namang pinag-usapan ang tila pag-iwas ni Karylle sa ex-boyfriend niyang si Dingdong Dantes.
Ito’y matapos na hindi siya makasama sa taping ang mga host ng “It’s Showtime” sa “Family Feud” ni Dingdong.
May ilang nakapansin kung bakit wala si Karylle sa nasabing episode na nakatakdang ipalabas ngayong April.
“Umiwas na naman ba ang aktres at TV host sa ex-boyfriend niyang si Dingdong Dantes?” tanong ng madlang pipol.
Matatandaang wala rin si Karylle nang mag-promote noon sa “It’s Showtime” si Dingdong kasama ang misis niyang si Marian Rivera ng movie nilang “Rewind”.
Isang Kapamilya fan account naman ang nagsabing busy si Karylle noon sa mga rehearsal para sa isang musical.
“Sa mga gumagawa po ng issue about Karylle, heto po ang sagot: May rehearsal siya for Rama Hari which is set for another run in February 2024. ‘Wag nyo pong sisihin ang Showtime, kalmaaaa!” (Issa Santiago)