Parehong nagpasabog ng kanilang alindog at pagigiging palaban ang Kapuso actress na si Bianca Umali at ang Box-Office Queen na si Kathryn Bernardo . Naganap ito sa runaway ng isang Summer Fashion Week.
Parehong naaliw sa kanila ang mga netizen nang mapanood sa social media ang magkaiba nilang paandar.
“Slay Queen,” “Gandang Filipina,” “Expensive Look,” “Sobrang ganda ni Kathryn,” “Fierce and sexy!” ang ilan sa mga positibong komento na mababasa mula sa mga netizen para kay Kathryn.
Si Bianca naman, iba ang drama sa pagrampa. Para itong nagsasayaw sa ginawa niya. Siyempre, marami ang mga naka-appreciate sa ginawa niya.
Kapansin-pansin na hindi kailangan nina Kathryn at Bianca na mag-two-piece o kahit mag-bikini sa pagrampa. Pareho lang silang naka-tube sa pang-itaas at naka-pants na. Pero, ramdam ng karamihan ang kaseksihan at presence nila.
Pero sa kabila nito, parang biglang pinagkumpara at pinagsasabong ang dalawa. May mga netizen na hindi na lang talaga maging happy for the both stars. Nandiyang may comment na, “Kathryn Bernardo nailed it!!!! Than Bianca Lol.”
Sinagot naman ng isang netizen na posibleng fan ni Bianca ng , “Sikat lang si Kathryn, pero from head to toe maganda si Bianca. Sana huwag kayong shunga.”
“Kathryn B is the brand. Ang OA naman ni Bianca, just sayin.”
“Si Bianca pinaka-graceful sa lahat. Maangas may dating. Si Kath lang suguro nakafocus ang iba kasi siya ang Superstar.”
O ha, kailangan talaga may comparison palagi ang mga netizen kahit na napakaraming celebrity endorser ang rumampa. (Rose Garcia)