Pati ang nananahimik na si Kaye Abad sa Cebu City ay nadawit sa isyu ng hiwalayan nina Kathryn Bernardo at Daniel Padilla.
Si Kaye kasi ang itinuro nang lumabas ang anggulo na diumano’y asawa ng dating housemate. Bilang si Paul Jake Castillo ay dating pumasok sa PBB house.
Kahit hindi pa namin nakakausap si Kaye, nangahas na kaming sabihin na walang katotohanan ang pagkaka-link niya kay Daniel.
Nang makausap nga namin si Kaye sa pamamagitan ng chat, obvious na nakarating na sa kanya ang pagkakadawit ng pangalan niya sa KathNiel breakup.
At ang naging reaksiyon niya lang, “Grabe, nakakatawa ‘yang issue na ‘yan!”
Sa isang banda, dahil may movie siya under Mavx Productions kasama sina Patrick Garcia at Paolo Contis, sigurado na kapag humarap si Kaye sa media, ang isyu pa rin na ito ang uuriratin sa kanya.