Dinispatsa nina Gia Marcel Maquilang, Lara Mae Silva at Jogi Maquilang ng Colegio De San Juan De Letran sina Angel Mae Habacon, Reyann Cañete at Katletya Jewel Molina ng San Beda University, 21-16, 21-16, nitong Linggo para madepensahan ang korona.
Sa wakas ito nitong Linggo ng National Collegiate Athletic Association (NCAA) Season 99 women’s beach volleyball finals 2024 sa Subic Bay, Zambales.
Kahanga-hanga ang Lady Knights sa lahat na winalis ang 11 games kabilang ang siyam sa elimination round via straight-set results sa paghaablot sa ikalawang sunod na krona ang ikatlo sa pangkalahatan.
At pinagkakaloob ito ni Intramuros-based coach Michael Inoferio sa mala-bakal niyang mga balibolista.
“Ang nagdala yung determination ng mga batang manalo,” bulalas ni Inoferio sa mag-utol na Maquilang mga bagito pa lang, at Silva, na third year student, na mga babalik sa isang taon para puntiryang nakakamnghang three-peat feat.
Sumosyo sa spotlight sina Louie Ramirez at Jefferson Marapoc ng University of Perpetual Help System Dalta, na mga kinalos sina Saint Marlowe Jamisola at Ar-Jay Ramos, 21-19, 21-13, para rin sa kambal na paghahari.
Ikaapat na titulo ito ng Altas sa paglapit sa may pinakamaraming kampeonatong College of Saint Benilde na may pito sa liga.
Nagdiwang din ang sina Emilio Aguinaldo College spikers Alijhan Apdian at Dwayne Iverson Alin-Alin,na niratrat sina Lyceum of the Philippines’ Rodan Aguire at Ace Van Roboel Blaco, 21-17, 16-21, 15-10, para maging most titled team sajuniors side sa apat. (Abante TONITE Sports)