Kinainggitan si Maja Salvador ng mga kapwa preggy soon-to-be mother dahil sa abilidad nitong humataw pa ng sayaw bagamat malaki na ang tiyan nito.
Sa isa sa mga latest Instagram post ni Maja, ipinangalandakan nito ang dance challenge ‘Lagalag’ mula sa kanyang Tiktok account.
Sa caption ng post na “Try lang”, gumiling ng todo si Maja at umariba ng hataw sa pagsayaw.
Ang iba kasi delikado at ingat na ingat sa pagbubuntis samantalang si Maja ay parang wala itong dinadala sa kanyang sinapupunan.
@ayanchan.xx, “kainis ang galing parang di buntis!”
@itsmejossieee, “partida. Buntis pa sya yarn ha. Huhuhu how to be you nga ba ate Maj?”
Nabigyan na nga nang pangalan ang lalabas pa lang na baby ni Maja at ito ay si Ramba.
Hindi ito ang unang pasikat ni Maja ng pagsayaw nya. Nagsayaw na rin ito para sa promo ng latest single at music video nitong “Sugal”.