TEAM STANDING
POOL A W L
Chery Tiggo 2 0
PLDT Home Fibr 2 0
NxLED 1 1
Creamline 1 1
Farm Fresh 0 2
Galeries Tower 0 2
POOL B W L
Akari 2 0
Cignal 2 0
Petro Gazz 1 1
Capital1 1 1
ZUS Coffee 0 2
Choco Mucho 0 2
Mga laro sa Huwebes
(PhilSports Arena, Pasig)
1 pm – Farm Fresh vs PLDT Home Fibr
3 pm – Creamline vs Nxled
5 pm – Galeries Tower vs Creamline
Nagsanib-puwersa sina Marina Tushova at Iris Tolenada nang gulantangin ng Capital1 ang two-time defending champion Petro Gazz, 26-24, 25-20, 25-18, sa 8th Premier Volleyball League Reinforced Conference 2024 prelims Martes ng gabi sa PhilSports Arena sa Pasig.
Tumipa si Tushova ng 24 points sa likod ng 23 attacks at 1 ace samantalang pumoste si Tolenada ng 15 excellent sets para hiranging mga Best Players of the Game sa ligang pinatatakbo ng Sports Vision Management Group, Inc.
Ang senaryo’y nagpabalikwas sa Solar Spikers mula sa four-set loss sa Akari noong Huwebes sa mga larong ineere ng One Sports, One Sports+, Cignal Play, SMART Live Stream at pvl.ph. Sinamahan nila ang biktima sa tersera sa Pool B sa 1-1 (win-loss) record.
“Masayang-masaya ako kasi who would have ever thought na mai-straight (sets) namin. They are always looking at us as a low-level team,” ani Capital1 coach Roger Gorayeb. “Tapos naka-straight set kami ng more experienced team? Malaking bagay sa amin ‘yun, morale booster sa mga bata.”
Itutuloy ng Capital1 ang momentum pagharapCignal sa Sabado ng ala-1:00 ng hapon.
Bitin ang 19 pts ni All-Filipino Conference MVP Brooke Annne Van Sickle at 15 ni Wilma Salas para sa Angels.
Bumalikwas naman ang Power Chargers (2-0) mula sa two-set down para matisod din ang Choco Mucho (0-2), 18-25, 16-25, 25-21, 25-23, 15-13, sa pasabog na 38 markers ni Oluoma ‘Oly’ Okano at saklolong 22 pts. nina Grethcel Soltones (12) at Ivy Keith Lacsina (10).
At umiskor ng 30 si Maria Jose Perez para giyahan ang HD Spikers na itiumba ang ZUS Coffee, 25-18, 29-27, 21-25, 25-22, para akbayan sa Pool A lead ang PLDT Home Fibr sa 2-0. Laglag ang Thunderbelles sa 0-2. (Lito Oredo)