Pinunan ni Maristella Torrecampo ang kakulangan sa taas ng kasanayan at talento upang silatin si top seed Ave Maria Policarpio, 6-0, 6-2, at sungkitin ang girls’ 14-and-under crown ng Valle Verde National Juniors Tennis Championships nitong Lunes Pasig City.
Pinoste niya ito pagkadispatsa kay No. 2 Ayl Gonzaga, 6-2, 6-0, sa semis at sinustema ng third-ranked rising star ng Naga City, Bicol laban kay Policarpio, na tumapak ng finals sa 6-2, 6-0 victory kay Lilith Rufino.
Una rito, dinomina ni Torrecampo ang 12-and-U play, nakapagpahulagpos lang ng five games sa four matches, tampok ang 6-0, 6-2 win kay Ella Paglalunan sa finals, naglagay sa kanyan na maging solo two-category winner sa Group 2 tournament na presentado ng Dunlop sa Valle Verde Country Club courts.
Kinalos ni No. 5 Al Tristan Licayan, sa kanyang panig, si Samuel Davila, 6-1, 6-1, para isukbit ang boys’ 16-and-U title at saluhan ng Gen. Trias, Cavite bet sa MVP honors sa Torrecampo sa kaganapang idinaos sa ilalim ng Palawan Pawnshop junior program na pinangungunahan ni president/CEO Bobby Castro.
Anbg iba pang mga nagwagi sa week-long tournament na may mga basbas ng Philippine Tennis Association at Universal Tennis Rating online platform, ay sina Ariel Cabaral at Mica Emana sa 18-and-U B & G), Sandra Bautista sa 16-&-under G, Alexander Coyiuto (14-&-under B), Marcus Go (12-&-under B) at Raven Licayan (10-unisex).
Sinorpresa rin third-seeded Cabaral ng Gen. Trias din, si No. 2 Ivan Manila, 0-6, 7-6(1), 10-7, sa semis pagkaraan si Davila, 6-2, 6-1; niyanig ni unranked Emana ng Quezon City si top seed Chloe Mercado, 6-4, 6-3, para patunayang pantay ang labanan sa laro kaganapang sinabakan ng halos 300 mga tenista sa siyam na age-group category.
Tinumba ni No. 1 Bautista, mula Bacoor, Cavite, si second seed Joy Ansay, 6-3, 6-3, sa girls’ 16-and-U final; binambo ni seventh-ranked Coyiuto buhat sa Makati City si No. 6 Mikael Honrado sa kapana-panabik na na 4-6, 6-1, 10-7 para sa boys’ 14-and-U championship.
Inilusot ni top-ranked Go, ng QC, ang 3-6, 6-2, 10-6 win kay Claudwin Toñacao sa semis ginarote tapos si Pete Niere, 6-0, 6-2, at kopoin ang boys’ 12-and-U diadem, habang sinakote ni Raven Licayan, ng GenTri rin ang 10-unisex trophy makaraan ang 4-2, 4-1 victory kay Juliana Coyiuto.
Sa doubles, kuminang ang mga prominenteng tamabalan nina Bautista/Emana, Al Licayan/Manila, Gonzaga/Policarpio, at Aron Emana/Kirk Gonzaga para makadagit ng mga titulo sa iba’t ibang age-group.
Samantala, magpapatuloy ang mga aksiyon sa Huwebes (Feb. 1) para sa Fr. Fernando Suarez M-Cup sa South City Homes Recreation Center sa Biñan, Laguna.
Para sa mga detalye pa at pagpaparehistro, makipag-ugnayan kay event organizer Bobby Mangunay sa 0915 404 6464 o bisitahin ang palawanpawnshoptennis.com at social media FB page www.facebook.com/palawanpawnshoptennis. (Abante TONITE Sports)