Sinorpresa ni Mary Djoana Nataño ang pinapaborang si Dhea Cua sa pukpukan ng kasanayan at komposyur, 7-6(5), 7-6(4) upang mamayagpag nitong linggo sa Ronald Barrios Cup National Juniors Tennis Championships sa Kidapawan City Club sa Cotabato.
May momentum mula sa quarterfinals upset win din kay doubles partner at third seed Aika Salahuddin, lumusot si Nataño kay Jasmen Kadalum, 7-5, 4-6, 10-7, sa salpukan ng unranked players. Ginulantang din pagkaran ng pambato ng Cotabato City si multi-titled Cua sa dikdikang pares na set upang sungkitin ang girls’ singles 18-and-under trophy sa Group 2 tournament na presentado ng Dunlop.
Isinukbit ni Cua ang 16-and-U crown sa 6-2, 6-1 pagkalos kay Jannah Otico, pero kinapos ang local bet na pahabain ang ‘dobleng’ korona mula sa Gov. Edwin Jubahib Cup, Mayor Josef Cagas at Gov. Yvonne Cagas Championships sa nakalipas na tatlong linggo.
Kahit sumegunda , ang makinang na pinakita pa rin ni Cua ang nagbigay sa kanya ng MVP honors, kasalo si Midsayap, Cotabato netter Krelz Jan Gecosala sa boys’ side na kinaldag si Julius Otoc sa 14-&-U finals, 6-1, 6-3.
Si Chad Globasa nagwagi sa boys’ 16-and-U class, ang tormentor ni Gecosala sa semis, na tinumba si Iñigo Barrios, 6-2, 4-6, 10-5.
Ang iba pang mga nanalo sa week-long tournament na may mga basbas ng Philta, PPS-NTC at UTR, ay sina Job Albretch ng Cotabato City, Kresthan Belacas ng Mlang, Princess Placa ng Digos City, Justine Gumbao ng Isulan, Sultan Kudarat, at Francis Dimzon ng Maragusan, Davao De Oro.
Sinibak ni Albretch si Pete Andre Cua, 6-4, 6-2, para dambahin ang boys’ 18-and-U plum, winasiwas ni Belacas si Jaycee Compa, 6-2 6-2, para sa boys’ 12-and-U diadem, inuga ni Placa si top seed Jamnah Otico, 3-6, 7-6(9), 10-5, para sa girls’ 14-&-U crown, ginimbal ni Gumbao si No. 1 Daneea Sinsuat, 7-5, 6-2, para sa girls’ 12-&-U title, at si Dimzon sinakote ang isa pang 10-and-U unisex trophy sa pagpigil kay Francis Pilapil, 4-1, 4-1.
Ang mga tambalang Cua-Sanschena Francisco at Albretch-Arpha Sarip III (18-and-U) ang mga nanguna sa doubles winners, kasama sina Jamnah Otico-Helle Sira at Belacas-Julius Otoc (14-and-U), at Dimzon-Sinsuat (10-and-U unisex).
Samantala, sasambulat ang long-running talent-search na iniisponsoran ni Palawan Pawnshop president/CEO Bobby Castro ngayon (Huwebes) sa Inigos Resort sa Lucena. Sa mga detalye pa, kontakin si event organizer Bobby Mangunay sa 0915 404 6464.
(Abante TONITE Sports)