Mayroon pa lang ahensiya ng pamahalaan naProtected Area Management Board (PAMB).
Ano ba ang kahalagahan ng ahensiyang ito ng gobyerno? Malaki ang responsibilidad ng PAMB na proteksiyonan ang integridad ng mga deklaraladong “protected areas” sa buong bansa.
Anumang mga proyekto sa mga lugar na malapit o nasa paligid ng isang protected areas ay kinakailangan muna ng CLEARANCE mula sa PAMB – hindi pa kasama dito ang mga clearance mula sa Barangay at Munisipyo.
Ano ba ang mga protected areas?
Ayon sa Department of Environment and Natural Resources (DENR) ang mga protected areas ay mga tinukoy ng gobyernona bahagi ng “kalupaan at katubigan na hindi dapat pakialaman ng tao “- lalo ng kung pagkakakitaan.
Ang protected area ay may katangi-tangi o “ unique physical and biological significance,”ayon sa DENR, kaya dapat manatili ang naturalesa nito. Dapat itong proteksiyonan at payabungin ang tinatawag na “biological diversity” at siguraduhin na hindi ito mapa-pakialaman ng “destructive human exploitation” o mapangwasak na pagsasamantala ng tao.”
Pangunahing misyon ng PAMB na PROTEKSIYONAN ang KALIKISAN kahit na hindi deklaradong protected areas.
Subali’t paanong nangyari na ang mga deklaradong lugar na protected area, tulad ng Chocolate Hills sa Bohol ay napatituluhan?
Isa lang ang pwedeng itawag dito, nagkaroon ng kutsabahan.
Mayroong sabwatan para mapaikutan ang batas.
Isa lang ang ibig sabihin ng kutsabahan at sabwatan, ito ay kasakiman.
Ang PAMB ba ay nakakatugon sa mandatonito na protektahan ang kalikasan at kapaligiran o nagiging instrumento sa pagsira ng mga deklaradong lugar na protektado sa anumang uri ng aktibidad ng tao?
Marahil, napapanahon na magkaroon ng imbentaryo sa lahat ng mga lugar na deklaradong protected at watershed areas.
Maliban sa Chocolate Hills sa Bohol, tiyak meron pang ibang deklaradong protected areas ang maaring nabalahura.
Sa House of Representatives na lamang, ano na kaya ang status ng pagdinig ng House Committee on Natural Resources sa reklamo ng mga mamamayan ng Palompon at Albuera sa lalawigan ng Leyte laban sa isang poultry farm na pinangangambahang nakaapekto sa suplay ng malinis na tubig sa lugar?
Ayon sa mga residente, ang lokasyon ng poultry ay malapit kung hindi man ay nasasakop ng Palompon Watershed Area, isang protected area. Paano nagkaroon ng poultry farm sa lugar na ito?
Pambihirang PAMB, papaano ito nangyari?