Isa sa mga karakter sa ‘Linlang’ na sobrang kinainisan din ng mga manonood ay si Mateo na ginampanan ni Race Matias.
Naging enabler na siya sa sobrang loyal sa karakter ni JM de Guzman. Pero ngayong mapapanood na simula sa January 22 sa primetime sa TV5, A2Z at Kapamilya channel ang ‘Linlang,’ masasagot na raw ang tanong na ito ayon kay Race. Nasa 60% pa rin daw kasi ang hindi napapanood sa kabuuan ng ‘Linlang.’
“For one po, ‘yung back story ni Mateo kung bakit po ba talaga sobrang loyal niya kay Alex. It wasn’t really answered during the Prime. Pero hopefully, whatever questions regarding that, masagot na po,” sey niya.
Sa isang banda, tuwang-tuwa naman si Race na halos lahat, nagagalit sa kanya. Kahit daw ang daddy niya na si Herbert Bautista, naiinis sa kanya as Mateo.
Ang relasyon daw nilang mag-ama ay parang trop at kuya.
“I would say the relationship I have with my dad is parang tropa na kuya more than someone na quote and quote, dad. And he likes that aspect of our relationship, even if he wasn’t really around when I was growing up.”
Pero kapag kailangan daw niya ang ama at kung may isyu siya sa buhay whether lovelife or school, sigurado raw na nando’n ito for him.
Hindi pa raw niya nami-meet ang rumored girlfriend nito na si Ruffa Gutierrez? Pero, napag-uusapan nila ng daddy niya?
“No, we’ve never met. He seems really happy, so ako naman, hey, if he likes, you know, big boy ka na. Kung saan mo gusto, kung saan ka masaya, sasabay ako.”
Cool lang si Race kahit sa tanong kung boto siya kay Ruffa at kung sakaling maisipan na magpakasal. Sabi nga niya, “Kung saan siya masaya, whatever.” (Rose Garcia)