Umaasa si Rianne Mikhaela Malixi na masasakyan ang momentum mula sa breakthrough victory sa Braeside sa asintang walisin ang dalawang pangunahing titulo sa Down Under pagpalo ng 118th Australian Amateur 2024 simula ngayon (Martes) sa Victoria.
Nag-rally ang pambato ng ‘Pinas na binabak-apan ng ICTSI (International Containter Terminal Services, Inc.) mula sa apat na palong pagkalubog sa final round at sinapawan ang mga karibal sa dulo upang ihulma ang one-stroke win sa 27th Australian Master of the Amateurs Championship sa Southern Golf Club noong isang linggo na sinabakan ng 72 manlalaro.
Kahit nagmintis sa dalawang prestihiyosong international title sa nakaraang taon, kabilang ang US Gir’s Junior, ang katatapos na tagumpay ng 16-anyos na Pinay na pinagmamalaki ng Quezon City ang nagpapatok sa kanya sa paligasahan sa linggong ito.
Ilulunsad ni Malixi ang kampanya laban kina local bets Yuuki Takada at Jennifer Herbst sa alas-12:42 ng hapon sa Keysborough Golf Club sa 72-hole, 105-player, 4-day golfest. Kasabayan nito sa dalawa pang premier course ang men’s play na may 205 entries.
Kumpiyansa siya mula sa come-from-behind win.
“I’m a bit pumped up. I’m much more motivated and inspired heading into this week. So, let’s see how things go,” sey ni Malixi, na pumoste ng clutch birdie at pars para ungusan ng isang hampas si Avani Prashanth ng India noong isang linggo.
Pero nahaharap si Malixi dehins lang laban sa Indian na reigning Queen Sirikit Cup individual champion, nandito rin si defending champion Mizuki Hashimoto ng Japan, na 2021 Asia Pacific Women’s Amateur Championship winner din. (Ramil Cruz)