Bilib si Pangulong Ferdinand ‘Bongbong’ Marcos Jr. sa national grassroots sports program ng bansa para sa muling pagbuhay na makabahagi muli ang lahat sports anuman ang taon makaraan ang COVID-19 pandemic sa ikatlo niyang State of the Nation Address nitong Lunes sa Batasang Pambansa sa Quezon City.
“Grassroots and sports-for-all programs are back in the mainstream catering to Filipinos of all ages,” giit ni PBBM.
Aniya, ang mga programa ay hindi lang nagbibigay ng isang plataporma para sa matukoy ang mga bagong atleta na kakatawan sa bansa sa mga palaro at nag-aambag din sa pagtataguyod ng kalusugan at kagalingan, lalo na sa mga kabataan.
Pinasalamatan ng Punong Ehekutibo ang nagdaos ng Palarong Pambansa na Marikina City noong 2023 at Cebu City sa taong ito.
“As we speak, 28 of our finest athletes are competing in Paris now for the glory of the Philippines” dagdag ni Presidente Marcos..
Higit pa sa pagtuklas ng pambansang pagmamalaki, ang mga grassroots sports program ay tugon sa mabuting kalusugan at kagalingan ng mga mamamayan, lalo na ng mga kabataan.
Pinapurihan ni Philippine Sports Commission Chairman Richard Bachmann ang Pangulo sa kanyang dedikasyon sa pag-angat sa sports development mula sa grassroots hanggang elite level.
Dinagdag ni Bachmann ang patuloy na pagsisikap ng ahensya buong taon na ipatupad ang iba’t ibang mga programa para sa kabataang atleta, kababaihan, katutubong sektor, at national training pool, na umaayon sa hangarin ng administrasyon na mapabuti ang sports.
Binigyang-diin din niya ang patuloy na pag-angat sa mga pasilidad ng palakasan upang matiyak na mas mahusay ang kagamitan at mapagkukunan ng mga atleta sa hangaring tagumpay.
“The PSC remains instrumental in advancing the Bagong Pilipinas governance of the Marcos Administration. We are committed to extending government services across the country, ensuring that our policies benefit all sports stakeholders and support every aspiring athlete in achieving their goals for their families and the nation,” panapos na sey ni ni Bachmann. (Lito Oredo)