Mga laro sa Sabado
(Sta. Rosa Sports Complex, Laguna)
2 pm – Chery Tiggo vs Creamline
4 pm – Galeries Tower vs Capital1
6 pm – NxLED vs Akari
STANDING
TEAM W L
Creamline 4 0
Choco Mucho 4 0
Petro Gazz 4 1
Cignal 3 1
PLDT 3 1
Chery Tiggo 2 2
Farm Fresh 2 3
Capital1 1 3
Akari 1 3
Nxled 1 3
Strong Group 0 4
Galeries Tower 0 4
Pinanatili nina Chery Ann ‘Sis’ Rondina at Kattrina Mae ‘Kati’ Tolentino na malinis ang kartada at ratsada ng Choco Mucho nang walisin ang Cignal, 25-18, 25-20, 25-21, para sumalo sa liderato ng 8th Premier Volleyball League 2024 3rd All-Filipino Conference preliminaries Huwebes ng gabi sa Philsports Arena sa Pasig.
Nagtala si Rondina ng 23 points mula sa 22 spikes at 1 block kasama ang 8 excellent receptions at excellent digs upang itulak ang Flying Titans sa ikaapat na sunod na ragasa at akbayan sa tuktok ang defending champion Creamline.
“Coming here, kinailangan naka-mind set ako na kailangan naming manalo,” bulalas niya. “Hindi naming ini-expect na ganoon ang resulta ng laro kasi nirerespoto namin ang Cignal, pero nag-connect kasi kami lahat at nagkatulungan kaya nakuha ang panalo.”
Binalewala ng Flying Titans ang matinding balikwas ng HD Spikers sa ikatlong yugto kung saan nagdikit ang laban sa 22-21 bago tinapos ni Tolentino na may 14 puntos mula sa 11 spikes at 3 blocks ang labanana sa pagkayod sa huling tatlong puntos para kumpletuhin ang panalo.
“Lagi lang kami nagpo-focus sa sistema ni coach Dante (Alinsunurin), tinibayan namin ang laban at were are so very grateful kasi lahat ng training namin nagamit namin dito sa laro,” hirit pa ni best player of the game Rondina.
Tumulong sa Choco si Ma. Lina Isabel Molde na may 7 puntos habang may tig-4 sina Maika Angela Ortiz at Madeleine Yrene Maddayag para isalya ang Cignal sa pagsalo sa pang-apat sa 3-1.
Samamatala, pinamunuan ni Jonah Sabete ang Petro Gazz sa pagwawalis sa Farm Fresh, 25-21, 27-25, 25-19, para sakupin ang tersera sa 4-1. Laglag ang Foxies sa 2-3.
(Lito Oredo)