Ban na habambuhay sa sport, mas matagal na pagkakabilanggo at multa hanggang P50M.
Ito ang isinusulong na panukalang batas para sa mga bagong kaparusahan na mga masasangkot sa game-fixing na inakda nina Sens. Raffy Tulfo, Lito Lapid, Mark Villar, Jinggoy Estrada at Ramon Revilla Jr.
“Dinadaya rito ng ilang indibidwal ang mga fan na umaasa sa team na mananalo sa paniwalang patas ang labanan, pero naiimpluwensiyahan pala ang game sa gustong mangyaring resulta ng ilan. Isinusumpa ko ang ganitong panloloko, ‘di lang sa basketball,” giit ni ni Sen. Christopher Lawrence ‘Bong’ Go na nanguna sa Senate Committee on Sports public hearing nitong Miyerkoles.
Ayon naman kay Games and Amusements Board chairman Richard Clarin, sa umiiral ngayong Presidential Decree na nilikhang noon pang 1973, P1K-P10K lang ang ang penalty ng game-fixer na ‘di na angkop sa kasalukuyang panahon.
“Longer jail time and a fine of up to P50M, and accomplices in game-fixing should also be subject to perpetual disqualification from playing games,” pahayag naman ni Estrada.
Noon lang Martes, sinibak ni Maharlika Pilipinas Basketball League founder Manny Pacquiao ang 47 players/team officials sa liga na mga nasangkot sa bentahan ng laro.
(Ramil Cruz)