Magiging sapawan ng nangungunang dalawang Olympic distance runner ng bansa na sina Bea Quiambao at Erika Burgos ang pagbabalik ng triathlon sa Camarines Sur, 5150 CamSur sa Feb. 11.
Dinomina ng dalawang triathlete ang huling dalawang edisyon ng Sun Life 5150 sa Bohol, at dehins lang mga atat sa overall championship sa mapaghamong 1.5km swim, 40km bike, 10km run race, bakbakan din sila sa 20-24 women’s age-group category.
Bitbit ni Burgos ang kumpiyansa sa panalo kay Quiambao sa 5150 Dapitan noong September, tumiyempo sa event ng 2:21:46 kumpara sa 2:26:45 ng huli. Pero mas nauna na ring namayagpag si Quiambao sa 5150 Subic, at gigil makaresbak mula sa maintensidad na preparasyon habang off-season.
Kasagsagan na ang registration sa kaganapan. Ayon sa nag-organisang The IRONMAN Group/Sunrise Events, Inc., bisitahin lang ang ironman.com/5150-camsur-register.
Bubulilyaso kina Quiambao at Burgos Burgos ang mga palaban ding sina Sophia Capistrano, Araceli Sales, Isabel Locsin, Hanna Bueña at Heart Quiambao sa paligasahang mga ihahatid ng Go for Gold, 2Go, Rudy Project, Sante Barley, Ilaw Atbp., Manila Bulletin, Tempo at Sportograf.
(Abante TONITE Sports)