Hindi na maniningil ang Commission on Elections (Comelec) ng P75 sa mga kumukuha ng voter’s certification.
Nakasaad ito sa minutes ng Comelec referendum/consultation na isinagawa noong Pebrero 6 kung saan nagpasya ang mga opisyal ng komisyon na suspendihin ang koleksyon ng voter’s certification fee simula sa Pebrero 12 ngayong taon.
Samantala, arangkada na simula sa Pebrero 12 ang pagpapatuloy ng voter registration para sa 2025 midterm elections.
Nauna nang inihayag ng Comelec kamakalawa na inaasahan nilang nasa tatlong milyong Pilipino ang magpaparehistro pa para sa halalan sa susunod na taon.