Sa pag-angas ni Jeffrey ‘Jeff’ Manday, nilansihan ng Meralco ang utol na TNT, 19-18, upang sungkitin ang kampeonato ng 3rd Philippine Basketball Association 3×3 2023-24 Third Conference Leg 3 Martes sa Ayala Malls Fairview Terraces sa Quezon City.
Nanalasa siya ng 12 points at kinarga ang Bolts sa pangalawang korona ngayong conference na nagkakahalaga ng P100K cash prize.
Kinaldag ng winning squad ang rally ng Triple Giga mula sa anim na puntos na pagkabaon sa natitirang 1:28 upang maitakas ang panalo.
Pagkahila ni Manday sa final deuce ng laro na nagpalayo sa Meralso sa 19-13, bumalik ang TNT sa salpukan sa pamamagitan nina Gryann Mendoza at Christopher ‘Ping’ Exciminiano, na ang tres sa pinal na 25 segundo ang nagpalapit sa team sa isang puntos na lang.
Pero dehins na nakaiskor ang Triple Giga para magkasya sa pampalubag-loob na P50K.
Iniuwi ng MCFASolver ang tersera at ang P30K kontra San Miguel Beer, 15-12.
(Abante TONITE Sports)