Hindi nagtagumpay sina Heaven Peralejo at Marco Gallo, pati na magdyowang sina Kiray Celis at Stephen Estopia na paniwalain ang paandar ng mga ito sa April Fools Day.
Sa Instagram ni Kiray, pinost nito ang isang video na nagpapakita na tila ikinakasal ang dalawa.
Naglakad pa si Kiray papunta sa dyowa nito na nagaabang sa kanya sa dulo, at saka lumabas ang isang lalaki na parang officiating priest.
Sey pa ni Kiray sa post, “Nagpakasal kami sa Taiwan”.
Natunugan ng mga netizen na ‘prank’ para sa April Fools Day ang kasalan. Nakapantalon at t-shirt lang si Kiray, ganundin si Stephen. Naka-casual lang din ang kanilang mga kaibiga. Kilalang influencer din ang pari.
At higit sa lahat plastic ang bouquet na hawak-hawak nila na hindi man lang binalutan ang tangkay.