Sinisumulan ang Mabuting Balita ngayong araw sa isang nakababahalang salaysay: ‘Muling dumampot ng mga bato ang mga Hudyo para batuhin si Hesus’ (Cfr. Juan 10: 31-42). Mababasa sa Ebanghelyo kung paaano naging maiinit ang tensyon sa pagitan ni Hesus at mga pinuno ng bayan. Marami na noon ang nakumbinsi ang Panginoon dahil sa pahayag na Siya ang “Anak ng Diyos” kaya’t nais nilang patayin siya.
Inaakusahan ng mga Hudyo ng isang paglalapastangan sa Diyos ang mga pahayag ng Panginoon. Paliwanag ng Ebanghelyo hindi nila nakuhang patayin si Hesus noong araw na iyon sapagkat hindi pa dumating ang kanyang oras. Gigil na gigil ang mga Pariseo higit sa lahat dahil sa kanyang rebelasyon tungkol sa sarili: “Ako at ang Ama ay iisa” (Juan 10:30). Batid ng mga Hudyo ang implikasyon ng pahayag na ito ng Panginoon.
Nais nila Siyang batuhin dahil bilang Anak ng Diyos, Siya ay tunay na Diyos na naging Tao upang iakay ang mga tao patungo sa Ama. Subalit hindi kailanman itinanggi ni Hesus na siya’y Diyos na totoo dahil siya’y nagmula sa Ama upang tuparin ang misyon na sundin ang kalooban ng kanyang Ama. Kaya’t sa pagkakataong iyon, tinangka siyang batuhin ng mga tao, subalit siya’y lumihis sa gitna nila.
Bago nag-walk out ang Panginoon, tinanong ni Hesus ang mga nag-aakusa sa Kanya kung bakit nila siya nais patayin. Sa gitna ng masamang pakay ng mga Hudyo kay Hesus, naging matatag ang Panginoon sa Kanyang mga itinuturo. Hindi siya natakot sa kanilang tangkang batuhin siya, bagkus hinimok niya ang mga tagapakinig na bigyang-pansin ang Kanyang mabubuting gawa at suriing mabuti ang batas.
Katulad ni Hesus na hindi sumuko, huwag din sana tayong umatras sa ginta ng mga hamon. Dahil sa ating katatagan lahat ng mga pagsubok ay mapagtatagumpayan. Saad ng Simbahan, “When we are open to listening and answering with honesty and humility God gives us the means to mature and to grow in our relationship with him. Pagiging bukas sa hamon ng Diyos samakatuwid ang paayaya ng Mabuting Balita.
Tinuturuan tayo ng Panginoon ngayong araw na palaging maging alerto sa boses ng Diyos at bukas ang kalooban sa Kanyang mga pahayag hindi tulad ng mga Hudyo na sa simula’t simula pa sarado na ang isip sa katotohanan. Paliwanag ng Iglesya, “This is what God always does with us, not abandoning us in our sins but giving us understanding and grace, offering us a way out of sin and a way into righteousness.”
Dagdag pa ng Simbahan, “the acceptance or rejection of Jesus’ message is dependent on the disposition of the one hearing it, but on the one giving it. Jesus does everything possible to reach us, but he never changes the content of his message for the sake of his listeners. It is we who must change our hearts to welcome his message!”
Habang tayo’y nalalapit sa mga Mahal na Araw iniimbitahan tayo ng Panginoon na baguhin ang sarili, suriin ang kondisyon ng ating personal na pakikitungo sa Diyos at kapawa lalo na są mga sumasalungat sa atin, at sikaping gawin ang tama at mabuti ayon sa Kanyang pamantayan. Buo ang ating kumpiyansa sa Diyos dahil sa tiwala sa mga pahayag ni Hesus tungkol sa Kanyang sarili; kunbinsido na bibigyan Niya tayo ng lakas sundan ang Kanyang Daan ng Krus nang walang atrasan sa hamon.