Lalaro sina Rhenz Abando at Jeremy Lin, pero out si Juan Gomez de Liano sa 2nd East Asia Super League 2023-24 Final Four na dadayo sa Hoops Dome sa Lapu-Lapu, Cebu.
Isa sa pamato ng Anyang Jung Kwan Jang si Abando.
December, inabot ng multiple injuries ang dating Gilas Pilipinas player at nagarahe. Nakabalik na siya noong Linggo, nagsumite ng 17 points, 4 rebounds, 3 assists, 4 steals sa 92-87 win ng Anyang kontra Goyang Sono sa Korean Basketball League.
Nasa isa pang KBL team na Seoul SK Knights si Gomez de Liano, pero hindi maglalaro matapos sumailalim sa season-ending finger surgery.
Rambulan ang Red Boosters at Knights sa March Madness version ng EASL na mga hihaatid ng Philippine Airlines, Dusit Thani Mactan Cebu Resort at Tiktok, at product partners Anta, McDonald’s at Spalding.
Alas-5:00 ng hapon sa Biyernes ( Mar. 8), ang tipoff, susundan ng 8 p.m. game ng Chiba Jets ng Japan B.League at Taipei Kings ni Lin ng Taiwan P.League sa kabilang pairing.
Magtatagpo ang winners ng dalawang matches sa finale sa Linggo para pag-agawan ang $1 million prize money.
Dumating na sa Cebu ang Anyang, Knights at Kings nitong Miyerkoles.
(Vladi Eduarte)