Nasa stage na umano sina Richard Gutierrez at Sarah Lahbati ng separation of properties.
Sa “Ogie Diaz Showbiz Update” ibinahagi ng talent manager-showbiz vlogger ang bagong nasagap niyang chika patungkol sa mag-asawa.
“Wala silang prenup. Ngayon, ang chika eh nandoon na sila sa separation of properties,” wika ni Ogie Diaz.
“Puwede ‘yang i-deny ni Richard or ni Sarah,” dagdag pa niya.
Nauna nang isiniwalat ni Ogie ang sinabi ng kanyang source na nasa proseso na raw ng annulment ang dalawa.
“Ang narinig ko lang din, ang inaayos ngayon, annulment. Narinig ko lang naman ‘yun,” ani Ogie.
Kamakailan ay nagsalita na si Sarah patungkol sa status ng relasyon nila ng aktor.
“We’re okay,” ang saad ng aktres sa isang magazine.
Bukas ang panig nina Richard at Sarah sa tsikang ito.
(Issa Santiago)