Nakapili na ang Samahang Basketbol ng Pilipinas, si Tim Cone ang head coach ng Gilas Pilipinas men’s basketball.
Si Cone, winningest coach ng PBA sa koleksiyon na 25 championship rings, ang arkitekto ng gold medal finish ng Nationals sa 19th Asian Games sa Hangzhou, China. Matapos ang 61 years, balik sa ‘Pinas ang gold ng Asiad.
Ilang linggo lang naihanda ni Cone ang squad, in-assemble wala nang dalawang linggo bago ang torneo sa Hangzhou, China.
“Coach Tim accomplished what has not been done in decades with only a few weeks to prepare and multiple challenges in terms of personnel wo we’re excited to see what he can accomplish with a long-term program in place especially if such program is supported by all basketball stakeholders,” ani SBP president Al Panlilio.
Unang asignatura ng Ginebra coach sa PBA na ihanda ang team na sa first window ng FIBA Asia Cup Qualifiers sa susunod na buwan. Toka ng Gilas ang Hong Kong sa Feb. 22 sa Tsuen Wan Stadium, bago i-ho-host ang Chinese Taipei sa PhilSports Arena sa Feb. 25.
Nakatakda ring sumabak ang PH 5 sa Olympic Qualifying Tournament sa July 2-7 sa Latvia.
Kasama sa resume ni Cone ang head coaching job din ng Centennial Team na inihatid niya sa bronze sa 1998 Asian Games sa Thailand.
May 12 players nang napili si Cone na bubuo sa core ng 2023 team: PBA players Scottie Thompson, Chris Newsome, Calvin Oftana, CJ Perez, Jamie Malonzo at June Mar Fajardo, Japan B.League imports Dwight Ramos, AJ Edu, Carl Tamayo at Kai Sotto, at UAAP champion Kevin Quiambao sa locals.
Si Justin Brownlee pa rin ang napipisil ni Cone bilang naturalized player, pero depende ‘yun sa desisyon ng FIBA sa kanyang eligibility. Nag-positive si Brownlee sa banned substance pagkatapos ng final game sa Hangzhou.
Ang assistant ni Cone sa Gins na si Richard del Rosario ang Gilas team manager. (Vladi Eduarte)